Page 23 - Уран зохиол

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

Гурав. Нэгжийн үнэлгээний
жишиг даалгавар

3.1. Үнэлгээний даалгавар боловсруулах нь

VIII ангийн Уран зохиолын “Зохиолыг задлан шинжлэх” үнэлгээний
нэгжид тулгуурлан бичгийн ажлын даалгавар боловсруулах
аргачлал, үндэслэлийг тайлбарлая. (Ер нь нэг мэргэжлийн олон
багш нартай) сургуулийн заах аргын нэгдэл хамтран ярилцаж
боловсруулалт хийх нь хамгийн үр дүнтэй.
Суралцахуйн үр дүн нь:
 Зохиолын уран дүрслэл, утга санааг задлан шинжлэх
 Сурагч зохиолын бүтэц ба орчин нөхцөлийг дүрд хэрхэн нөлөөлж
буйг тайлбарлаж чаддаг болсон байна.
 Сурагч зохиолын дүрийг тодорхойлж чаддаг болно.
 Шалгуур нь:
 Зохиолчийн үг сонголт, уран дүрслэлийг тайлан тайлбарлаж,
утга санааг бүрдүүлэхийн тулд сэдвийг хэрхэн өргөжүүлснийг
задлан шинжилдэг.
 Зохиолын эхлэл, зангилаа, өрнөл, туйл, тайлал, төгсгөлийг ялган
таньдаг.
 Зохиолын дүрийг тодруулж чаддаг.
 Сурагч зохиолын гол ба туслах, сөрөг дүрийг тодорхойлдог.
Тэгвэл гүйцэтгэлийн хүрэх түвшин нь өөрөө Булмын таксномийн
танин мэдэхүйн түвшинд тулгуурласан учраас Блупринт зохиоход
их дөхөм юм.
Блупринт гэж юу вэ?
Танин мэдэхүйн түвшнүүдээр даалгавруудынхаа тоог тогтооно.
Өөрөөр хэлбэл үнэлэх төсөл зохионо. Ямар хичээлийн, хэддүгээр
ангид, ямар төрлийн, юуны шалгалтыг, хэзээ, ямар хэлбэрээр, юунд
тулгуурлан авсан нь тодорхой байдаг. /Хүснэгтээр үзүүлбэл/

19