Page 25 - Уран зохиол

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

/нэгж/ агуулгатай нийцэж байгаа эсэх, үнэлгээ бодитой, ойлгомжтой, алдаа мадаггүй, үнэн зөв байх
зэрэг зарчмыг хангаж буй юм аа. Мөн хяналттай, нягт ажиллаж байгаа хэрэг. Даалгаврын тохирц ч
сайн болдог. Хүснэгт ашиглаж хийвэл илүү гэдгийг загвараар үзүүллээ. Нэмэлт тайлбар хэсэгт өөр
хувилбараар хариулж болох эсэх, оноожуулах, эс оноожуулахыг тайлбар бичнэ. Үүнийг марк схем гэнэ.

Асуултын Оноо Хариулт Нэмэлт тайлбар
дугаар
1 1 
2 2 
... 
8 2 

Бичгийн ажлын шалгалтын даалгавар боловсруулахдаа эхнээс нь цогц байдлаар /блупринт, марк
схем, гүйцэтгэлийн үр дүнгийн шалгуур/ хандвал “Шалгалтын үнэлгээний сан” сайн бүрдэнэ.
Шалгалт дууссаны дараа алдаа гарвал дахиж хянаж сайжруулах л үлдэнэ. Харин асуулт даалгавар нь
оновчгүй, хэт ерөнхий, эсвэл бүтээлч биш хандвал олон дахин ажил болно.
Шалгалтын дараа яах вэ?
Нотолгоонд суурилсан шинжилгээ хийнэ. Сурагч нэг бүрийн гүйцэтгэлийн үр дүнг тооцон
/хүснэгтэлж/ гаргаж боловсруулна. Мөн дүгнэлт бичнэ. Гүйцэтгэлийн үзүүлэлт нь “Тэд ямар байна”,
“Тэд яаж хийх ёстой вэ?” гэх мэтэд хариулна. Багш ч “Би юу хийх ёстой вэ?” гэдгээ мэдэж авна.

3.2. НЭГЖ ХИЧЭЭЛИЙН ҮНЭЛГЭЭНИЙ ДААЛГАВРЫН ЖИШЭЭ:
Рубрик ашиглан үнэлэх тухай
Рубрик (Rubric) гэдэг нь сурагчийг амаар, бичгээр, ажлын хуудсаар үнэлж болох үнэлгээний
хэрэгсэл юм. Сурагчдыг оноожуулж үнэлгээ өгч байгаа багшийн үйл ажиллагаа нь бодит дүнд
хүрэхэд түлхэц болохоос гадна, тэднийг илүү бүтээлч, бие даах чадвартай болоход сайнаар
нөлөөлдөг. Рубрикийн гол зорилго нь гүйцэтгэлийг үнэлэхэд оршино. Хүссэн үр дүнд хүргэхийн тулд
суралцагчийн эзэмших ёстой мэдлэг, чадвар, хандлагын жагсаалтыг гаргах.

Рубрик хийж, шүүн тунгааж, үнэлж дуусгасны дараа сургалтын үр дүн хэр байгааг дүгнэж /нэгж
хичээлийн үр дүнг/ болдог. Өөрөөр хэлбэл багц шалгуур бүрд авсан оноогоор нь дүгнэж, ямар
түвшинд байх ёстой вэ?, ямар агуулга, ухагдахуун, мэдлэг гэх мэт дутуу байв гэдгийг үзүүлэлтүүдээс
шинжилж болдог.
Рубрик нь багшийн хувьд сурагчдын эзэмших мэдлэг, чадвар, хандлагыг төлөвлөх, түүний амжилтыг
тогтмол хянахад туслах хүснэгт байдаг. Мөн ээлжит болон нэгж хичээлийн үр дүнг тодорхойлох,
үр дүн тус бүрийн үнэ цэнийг тогтоох, хүрсэн амжилтыг бүртгэх, үйл ажиллагаа хэрэгжүүлэх, арга
хэрэгсэл юм.

Рубрик нь багадаа гурван түвшнийг тодорхойлсон шалгууртай байх бөгөөд түвшин бүр нь өөрийн гэсэн
багц шалгууртай байна.
Рубрикийн босоо шугам- Шалгуурууд, Хэвтээ шугам- Чанарын түвшнийг илэрхийлнэ. Рубрикийн төрлүүд:
1. Аналитик рубрик: Энэ рубрик нь гарах бүтээгдэхүүн болон үйл явцын хэсэг тус бүр эсвэл тодорхой
зүйлийг олон баганаар дүрсэлдэг.
2. Дараалсан рубрик: Рубрикийг сургалтын нэг үр дүнгийн ахицыг тасралтгүй харахын тулд хэрэглэдэг.
Жишээ нь: Тухайн сурагчийн долоо хоног бүрийн ахицыг тооцож тэмдэглэл хөтөлнө.
3. Үйл явцын рубрик: Сурагчдын гүйцэтгэсэн даалгаврын тайлбар, гүйцэтгэл, төлөвшил, хандлагыг
оноожуулахад хэрэглэнэ. Жишээ нь: Манлайлал, багаар ажиллах чадвар гэх мэт.
Рубрик ашиглан оноожуулах аргачлал.
9- ангийн “Туурь өгүүллэг” нэгж хичээл. Үнэлгээний нэгж-2 Зохиолыг задлан шинжлэх. Зорилго:

21