Page 17 - Уран зохиол

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

багшаас нэлээд санаачилга шаардах болно. Эх зохиолоо ихэнх нь уншаагүй бол уран зохиолын
хичээл уншлагын хичээл л болдог доо. Тийм учраас сурагч бүрийг бие даан уншиж сургах л чухал.
Энэ бүхэн ганц багшийн тайлбарласнаар бүтэхгүй. Тийм болохоор хамтын оролцоо чухал болно.

2.3. Үнэлгээний шалгуур ба гүйцэтгэлийн түвшин

Үнэлгээний шалгуур ба гүйцэтгэлийн түвшин нь сургалтын үр дүнг тодорхойлох үзүүлэлт, хэмжүүр юм.
1. Шалгуур (criterion) нь суралцагчийн хүрсэн үр дүн буюу амжилтыг нотлон харуулахад чиглэсэн
үзүүлэлт юм. Түүнчлэн сурагчийн хувьд хүрсэн үр дүн, амжилтыг харуулахын тулд юу хийх
ёстойг харуулдаг бол багш нарын хувьд юуг сургасан байх ёстой вэ гэдгийг тодорхой харуулдаг.
2. Гүйцэтгэлийн үзүүлэлт /Achievement Standard, Performance Standard/ бол чанарын тодорхой түвшний
/гүйцэтгэл/ тухай ойлголт юм.
Багшийн хувьд:
 Юуг сургасан байх ёстой вэ гэдгийг илэрхий тодорхой болгосон.
 Сурагчийн гүйцэтгэлийг хэрхэн яаж, юугаар тодорхойлох, үнэлэх, дүгнэхийг ойлгомжтой болгосон.
 Сурагчийг бусад сурагчтай бус үнэлгээний шалгууртай харьцуулж үнэлнэ. Өөрөөр хэлбэл тэр
сурагч тийм, минийх ийм гэх мэт үнэлгээний талаар зөрчил маргаан үүсэхгүй.
 Сургалтын бодит байдлыг тогтоож үнэлэлт, дүгнэлт хийх чухал баримт болно.
Сурагчийн хувьд:
 Суралцахуйн үр дүнг амжилттай эзэмшсэнийг харуулахын тулд юу хийх ёстойг тодорхой
харуулдаг.
 Шалгуур нь суралцагчийн хүссэн үнэлгээндээ хүрэхийн тулд ахиц дэвшлийг эрэмбэлсэн үзүүлэлт
болж өгдөг.
 Суралцахуйн үр дүн бүрийг эзэмшсэн байх тодорхой, хоёрдмол утгагүй нотолгоог бий болгох
зорилготой.
Сурагчдын амжилтыг хэмжих шалгуурын талаар тэдэнд сайн ойлголт өгөх ёстой. Анги танхимд
шалгуурыг байршуулж, харуулах нь сурагч ахиц дэвшлийнхээ талаар ерөнхий ойлголттой болоход
тусална. Тодорхой асуудлын хүрээнд үйл явцыг харуулсан мэдээлэл өгч, хэр хандаж байгаа болон
хаана явааг /гүйцэтгэлийн түвшний/ нь сануулж, сурах үйл ажиллагааг нь чиглүүлэх боломжтой.
Сурагчид ч цаашид юу хийх, хаана хүрэхээ төлөвлөх, тооцоолох, бэлтгэх боломжийг олгодог.
Үнэлгээ нь ямар нэг зүйлийн үнэ цэн, ач холбогдолтойг дүгнэхүйн үйл явц юм.

Суралцахуйн зорилт ЮУНЫ ТУЛД ҮНЭЛЭХ ВЭ? Шалгуур
ЮУГ ҮНЭЛЭХ ВЭ? Гүйцэтгэлийн
Суралцахуйн үр дүн ЮУГААР ҮНЭЛЭХ ВЭ? түвшин

Боловсруулахад баримталсан зарчим.
 Үнэлгээний шалгуур нь хөтөлбөрийн хүрэх үр дүнтэй нийцэж байх.
 Суралцагчийн эзэмшсэн мэдлэг, чадвар, хандлагыг илрүүлэхүйц, хэмжихүйц байх
 Үнэлгээний шалгуур нь давхцаагүй, нэг нэгнээсээ ялгаатай байх.
 Үнэлгээний шалгуур нь боловсролын түвшин, анги, судлагдахуун бүрээр залгамж холбоотой,
эрэмбэ ахисан байх.
 Үнэлгээний шалгуур нь ЕБС-ийн багш нар шууд авч ашиглах боломжтой байхаар боловсруулагдсан
байх. Оролцогч бүх талууд /суралцагч, багш, эцэг эх, асран хамгаалагч гэх мэт/-д ойлгогдохоор товч
тодорхой, оновчтой энгийн үг хэллэгээр бичигдсэн байх.
 Суралцагчдад юу хийхийг тодорхой ойлгуулахуйц үйл /түлхүүр үг/ үгсийг ашигласан байх.

13