Page 14 - Биеийн тамир

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

1.2. Үнэлгээний нэгж, суралцахуйн үр дүнг тодорхойлсон байдал

Биеийн тамирын хичээлийн хувьд нэгж, СҮД, үнэлгээний шалгуур болон гүйцэтгэлийн дөрвөн түвшнийг
боловсруулахдаа сайжруулсан хөтөлбөрийн зорилго, зорилт, сурагчдын эзэмших мэдлэг, чадвар,
хандлагыг баримталсан. Тодруулбал,
- Бие бялдрын түвшин тогтоох сорилын шалгуураар өөрийн түвшингээ тодорхойлох, үнэлэх, хянах,
- Судалж буй спортын төрлийн техник, тактикийг зөв гүйцэтгэх, ур чадвараа дээшлүүлэх,
- Судалж буй спортын төрлийн техник, тактикийг тоглолт, тэмцээнд хэрэглэх,
- Өөрийн бие бялдраа хөгжүүлж, чийрэгжүүлэх хөтөлбөр боловсруулах, хэрэгжүүлэх, эмчилгээний
биеийн тамирын дасгалыг зохих зааврын дагуу ашиглах, эрүүл мэндээ хамгаалж чаддаг байх зэрэг
болно.

А. Үнэлгээний нэгж (unit assessment)-ийг тодорхойлсон байдал
- Анги тус бүрийн биеийн тамирын сургалтын хөтөлбөрийн агуулгын бүлэг сэдэвт нийцүүлэн
суралцахуйн зорилтуудыг нэгтгэж үнэлгээний нэгж болгосон.
- Нэгжийн агуулгыг судалсны дараа сурагч найдвартайгаар харуулж чаддаг болсон байх хамгийн
чухал, ач холбогдолтой суралцахуйн үр дүнг тооцсон.
- Аль болох ерөнхийлсөн олон талт мэдлэг, чадварыг харуулсан байхаар суралцахуйн үр дүнг
томьёолсон.
- Нэгжийн хүрээнд цөөн тооны суралцахуйн үр дүнг томьёолсон.

Бага боловсролын I-V ангийн үнэлгээний нэг нэгжид хэд хэдэн суралцахуйн үр дүнг тодорхойлсон. Үүнд,
- Ахуйн хэрэгцээт дасгал
- Алхах, гүйх
- Үсрэх, харайх
- Шидэх, дамжуулах гэсэн дөрвөн бүлэг сэдвийн нэрээр нь үнэлгээний нэгж болгосон.
Суурь боловсролын VI-IX ангид:
- Бие бялдрын хөгжил
- Гимнастик (Арэобик, Бүжиг)
- Хөнгөн атлетик
- Сагсан бөмбөг
- Хөл бөмбөг
- Волейбол
- Үндэсний спорт-(Хурдан морины уралдаан, Сур харваа, Бөхийн барилдаан, Шагайн харваа) гэсэн
долоон бүлэг сэдвийн нэрээр нь үнэлгээний нэгж болгосон.
Бүрэн дунд боловсролын X-XII ангид:
- Бие бялдрын хөгжил
- Олон улсын спортын хөгжил
- Хөнгөн атлетик
- Сагсан бөмбөг
- Волейбол
- Хөл бөмбөг
- Аэробик гэсэн долоон бүлэг сэдвийн нэрээр нь үнэлгээний нэгж болгож авсан.
Үнэлгээний нэгж тус бүрээр сурагчийн хүрэх суралцахуйн үр дүнг боловсруулсан.

10