Page 18 - hugjim -1217

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

2. Дан хөгжмийн зохиолын төрлөөс хамгийн том хэлбэр аль нь вэ?
А. Симфони Б. Аяз В. Концерт
3. Хөгжмийн зохиолын дараах төрлүүдийг гоцлол, цөөхүүл, найрал гэсэн дараалалд оруулна уу?
А. Квартет Б. Симфони В. Концерт
4. “Цэцэг нуурын хөвөөнд” бүтээлийг сонсоод бүрэлдэхүүнийг тодорхойлоорой.
А. Цөөхүүлд зориулсан бүтээл Б. Найрал хөгжмийн бүтээл В. Гоцлолд зориулсан бүтээл
Сонгох хариулттай даалгавар нь тийм ч оновчтой биш учраас шалгалтад аль болох бага оруулах
хэрэгтэй бөгөөд хариултыг богиноос урт руу, дүрс тэмдгийг жижгээс том руу гэсэн эрэмбээр бичнэ.

Задгай даалгавар
Суралцагч дэвшүүлсэн асуултад дэлгэрэнгүй байдлаар хариулахыг шаарддаг бөгөөд танин мэдэхүйн
түвшний хувьд сэргээн санах, ойлгох ур чадвараас илүү дээд түвшний ур чадварыг үнэлэхэд
чиглэгдсэн байдаг.

Алхамтай задгай даалгаврын хувьд өмнөх асуултын хариултаа дараагийн асуултыг гүйцэтгэхэд
ашиглаж болдог бол багц даалгаврын хувьд өмнөх асуултын хариултаа дараагийн асуултыг
гүйцэтгэхэд ашигладаггүй байна.
Задгай даалгавар бага ангид 2-4 алхамтай, дунд ангид 2-6 алхамтай байж болно. Задгай алхамтай
даалгавар боловсруулахдаа дараах шалгуурыг баримтлах хэрэгтэй.
– Шалгалт, судалгааны зорилгоо оновчтойгоор тодорхойлох;
– Даалгавар хөнгөнөөс хүнд рүү чиглэсэн байх;
– Даалгаврын олон хэлбэр (аль болох олон төрлийн тавил ашиглах);
– Алхмын асуултууд үнэлгээний зорилтын хялбараас хүнд рүү чиглэсэн байх;

Жишээлбэл:
1. ХХ зууны манлай дуу болон мөнхөрсөн бүтээлийг нэрлээд, дуулж үзүүлнэ үү?
..............................................................................................................................................................................
2. Дараах хэрэглүүрүүд ямар агуулга, дүрслэл, шинж төрх бүхий аялгууг үүсгэх вэ? Эргэцүүлэн бодоод
таамаглал дэвшүүлээрэй.
Илэрхийллийн арга нь: легато, адажио, пиано
Хөгжмийн зэмсэг нь: хийл эсвэл морин хуур, чавхдаст хөгжмүүд
3. Хүмүүс яагаад театрт очих хэрэгтэй вэ? Хөгжмийн театрын үнэ цэнийг юу гэж ойлгож байна вэ?
..............................................................................................................................................................................

4. Шопены “Этюд №3” бүтээлийг сонсоод мэдрэмжээ илэрхийлж бичээрэй.
..............................................................................................................................................................................
Даалгавар боловсруулахдаа сурах бичгийг хуулж даалгавар болгох нь зохимжгүй учир өөрчлөх
хэрэгтэй бөгөөд ижил агуулга, асуулттай даалгаврыг шалгалтад оруулахыг хориглоно.

Эдгээр даалгаврыг гүйцэтгэх хугацаа, оноо харилцан адилгүй байна. Тухайлбал,
– сонгох даалгаврыг 1 - 1.5 минутад гүйцэтгэх ба ихэвчлэн 1 оноо авахаар хийгддэг.
– задгай даалгаврыг 3 - 5 минутад гүйцэтгэх ба 2 - 3 оноо авахаар хийгдэнэ.

Даалгаварт шинжилгээ хийх, эргэх холбоо тогтоох
Даалгаврын шинжилгээ гэдгийн цаана
– даалгаврыг алхамчлан задлах
– ямар чадварыг шалгаж буй даалгавар вэ?
– буруу хариултын шинжилгээ
– эргэх холбоо тогтоох зэргийг ойлгоно. Жишээ нь:

14