Page 18 - Математик

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

Өмнө дурдсанчлан ухагдахууны сүлжээг бүтээлгэх даалгавраар явцын болон оношлох үнэлгээ хийх
гэж байгаа тохиолдолд фокус асуултад анхаарахаас гадна даалгаврыг Зураг 1-д харуулсан шиг янз
бүрээр зохион байгуулж өгөх (жишээлбэл, ухагдахуунууд ч, холбох шугамууд ч, бүтэц ч өгөгдөөгүй үед
эсвэл сүлжээг гүйцээх) нь сурагчдын танин мэдэх үйл явцын талаар өөр өөр мэдээллүүд өгдөг тул
тухайн цаг үед аль илүү тохиромжтойг сонгох талаар багш оновчтой шийдвэр гаргах нь чухал юм.
Ухагдахууны сүлжээ бүтээлгэх замаар явцын үнэлгээ хийх нь дивергент явцын үнэлгээ хийх нэг арга
болох бөгөөд үүнийг явцын (форматив) үнэлгээний арга болгон хэрхэн амжилттай хэрэгжүүлэхэд
анхаарах зарим зүйлийг доор харууллаа. Үүнд:
– Сурагч нэг бүрийн хувьд ойлголтыг илрүүлэх гэж буй тохиолдолд ухагдахууны сүлжээг тэднээр
тус тусад нь бүтээлгэх нь зүйтэй. Гэхдээ хамтран бүтээлгэх нь сурагчдын ойлголтыг хөгжүүлэхэд
чухал ач холбогдолтой хэлэлцүүлэг өрнүүлэх, тэд сургалтын материал эх үүсвэрийг ашиглах,
эрэх хайх, өөрсдийн суралцах үйлээ удирддаг болгон идэвхжүүлэхэд чухал ач холбогдолтой.
– Технологид суурилсан эсвэл хамтран суралцагчийн үнэлгээ нь багш нар л зөвхөн тайлбарладаг,
суралцахуйн үйл ажиллагааг удирдаж зохицуулдаг байдлыг шийдэх чухал стратеги болно.
– Багшийн хариу үйлдэл, эргэх холбоо нь сурагчдыг шинжлэн судлах үйлд чиглэсэн байх ёстой
Оюуны зураглалыг 1970-аад оны эхээр Тони Бузан (Buzan) боловсруулсан ба энэ нь гол ухагдахуун/
санаанаас үндэслэн гарах түлхүүр үгнүүд, зураг, өгүүлбэр, текстийг салаалуулсан (мөчирлүүлсэн)
дүрслэл юм. Элементүүдийг хэрхэн тэмдэглэх нэрлэх, зохион байгуулах эсвэл хооронд нь хэрхэн
холбох талаар ямар нэг тусгай шаардлага, хязгаарлалт бага тавьдаг бөгөөд харааны тэмдэглэл
(visual noting), оюуны довтолгоонд илүү тохиромжтой. Оюуны зураглал нь сурагчдын санах ойг
нэмэгдүүлэх, мэдлэгийг хөгжүүлэх, сайжруулахад дэмжлэг үзүүлэхүйц зураг, диаграмм ашиглахыг
чухалчилдаг (Buzan & Buzan, 1996). Сүүлийн дүгнэлтээс харвал оюуны зураглал бүтээх аргыг
конвергент явцын үнэлгээ хийх зориулалтаар ашиглаж болно.

10 дугаар ангийн Үнэлгээний нэгж 2 дахь суралцахуйн үр дүн 2-ын шалгуур 2.1-ийн хүрээнд сурагчид
хийж болох оюуны зураглалын жишээг доорх зургаар орууллаа. Энд, тодорхойлолтуудыг бүгдийг нь
оруулсан байдалтайгаар зохиомжилсон ба текст багатай, зураг дүрслэл ихтэй байхаар ч зохион
байгуулж болно.

14