Page 16 - Математик

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

шугамын хослолыг бодомж гэж нэрлэдэг (Maria Araceli Ruiz-Primo, 2004). Бодомж нь ухагдахууны
сүлжээн дэх үндсэн утгын нэгж бөгөөд хоёр ойлголтын хоорондох хамаарлын үнэн зөвийг үнэлэхэд
ашигладаг хамгийн бага нэгж болдог (Dochy, 1996). Мөн ухагдахууны сүлжээг бүтээхэд нэг гол
анхаарах зүйл нь фокус асуултад төвлөрөх юм.
Ухагдахууны сүлжээг багшлахуй, суралцахуйн үйл ажиллагааг зохион байгуулах, суралцахуйг үнэлэх,
агуулгын анализ хийх, мэдээллийг зохион байгуулах гэх мэтээр өргөн хүрээнд ашигладаг. Бүлэг сэдэв
(сургалтын нэгж) эхлэхээс өмнө оношлох үнэлгээ, сургалтын үйл ажиллагааны явцад форматив үнэлгээ
хийхэд “ухагдахууны сүлжээ бүтээлгэх” аргыг ашигласнаар сурагчдын буруу ойлголтыг илрүүлэх,
ойлголтын түвшнийг харах боломжтой. Нэг фокус асуултад хариулахад хэдэн ч янзаар ухагдахууны
сүлжээг бүтээх боломжтой. Мөн түүнчлэн нэг фокус асуултад хариулахуйц ухагдахууны сүлжээ
бүтээх үнэлгээний даалгаврыг янз бүрээр зохион байгуулан өгч болох бөгөөд үүнийг доор харууллаа.
Ухагдахуунууд болон холбох үг өгсөн тохиолдолд
1. Ухагдахуунууд өгөгдсөн ба бүтэц тодорхойлогдсон үед
2. Зөвхөн ухагдахуунууд өгсөн үед
3. Ухагдахуунууд ч, холбох шугамууд ч, бүтэц ч өгөгдөөгүй үед
4. Ухагдахууны сүлжээг бөглөх (зангилаануудыг бөглөх эсвэл холбох шугамуудыг зурах)
Ухагдахууны сүлжээ бүтээлгэх даалгаврыг хэрхэн зохиомжлохоос хамаарч сурагчдын танин
мэдэхүйн үйл явцын талаар өөр өөр мэдээлэлд хариу авах боломжтой тул багш ямар үед аль
хэлбэрийг хэрхэн ашиглахыг оновчтой тохируулах нь зүйтэй. Үүнээс гадна ухагдахууны сүлжээ
ашиглан үнэлгээ хийхдээ багш өөрийн зохиосон сүлжээтэй (үүнийг заримдаа экспертийн
ухагдахууны сүлжээ гэдэг) харьцуулах эсэхээс хамаарч юуг үнэлэх вэ гэдэг нь мөн тодорхойлогдоно.
Ухагдахууны сүлжээ бүтээлгэх үнэлгээний даалгаврын төрөл, хариултын хэлбэр, оноожуулах аргыг
нэгтгэн Зураг 1-д харуулав.
Зураг 1. Ухагдахууны сүлжээ бүтээх үнэлгээний даалгавар, хариултын хэлбэр, оноожуулах арга

Эх сурвалж: Maria Araceli Ruiz-Primo (2004)

12