Page 25 - Уран зохиол

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

үнэт зүйлийг ярьж илэрхийлж байгаа нь хувь хүний үнэт зүйл болж байгаа юм. Ингэснээрээ уран
зохиол нь нийгэм дэх хувь хүний төлөвшил, ёс суртахуун, бие хүн болоход хүчтэй нөлөөлдөг аж.
Энэ нь суралцахуйн зорилтын төлөвшил, хандлага хэрэгжиж байгаа үйл явц болно.
3.2. Нэгж хичээлийн үнэлгээний даалгаврын жишээ:

10-р ангийн Уран зохиолын үнэлгээний I нэгж буюу “Зохиолыг тусган хүлээн авснаа /амаар буюу
бичгээр/ илэрхийлдэг болсон байна” хүрээнд рубрик ашиглан хэрхэн үнэлэх тухай зөвлөмжилье.
Үүний тулд “рубрик” (Rubric) -ийн талаарх ойлголтыг хүргэе.
Рубрик гэдэг нь сурагчийг амаар, бичгээр, ажлын хуудсаар үнэлж болох үнэлгээний хэрэгсэл юм.
Сурагчдыг оноожуулж үнэлгээ өгч байгаа багшийн үйл ажиллагаа нь бодит дүнд хүрэхэд түлхэц
болохоос гадна, тэднийг илүү бүтээлч, бие даах чадвартай болоход сайнаар нөлөөлдөг. Рубрикийн гол
зорилго нь гүйцэтгэлийг үнэлэхэд оршино.
Хүссэн үр дүнд хүргэхийн тулд суралцагчийн эзэмших ёстой мэдлэг, чадвар, хандлагын жагсаалтыг
гаргах.
Рубрик хийж, шүүн тунгааж, үнэлж дуусгасны дараа сургалтын үр дүн хэр байгааг дүгнэж /нэгж
хичээлийн үр дүнг/ болдог. Өөрөөр хэлбэл багц шалгуур бүрд авсан оноогоор нь дүгнэж, ямар
түвшинд байх ёстой вэ, ямар агуулга, ухагдахуун, мэдлэг гэх мэт дутуу байв гэдгийг үзүүлэлтүүдээс
шинжилж болдог.
Рубрик нь багшийн хувьд сурагчдын эзэмших мэдлэг, чадвар, хандлагыг төлөвлөх, түүний амжилтыг
тогтмол хянахад туслах хүснэгт байдаг. Мөн ээлжит болон нэгж хичээлийн үр дүнг тодорхойлох,
үр дүн тус бүрийн үнэ цэнийг тогтоох, хүрсэн амжилтыг бүртгэх, үйл ажиллагаа хэрэгжүүлэх, арга
хэрэгсэл юм.
Рубрик нь дор хаяж 3 түвшнийг тодорхойлсон шалгууртай байх бөгөөд түвшин бүр нь өөрийн гэсэн
багц шалгууртай байна.
Рубрикийн босоо шугам- Шалгуурууд, Хэвтээ шугам- Чанарын түвшинг илэрхийлнэ. Рубрикийн төрлүүд:

1. Аналитик рубрик: Энэ рубрик нь гарах бүтээгдэхүүн болон үйл явцын хэсэг тус бүр эсвэл тодорхой
зүйлийг олон баганаар дүрсэлдэг.
2. Дараалсан рубрик: Рубрикийг сургалтын нэг үр дүнгийн ахицыг тасралтгүй харахын тулд хэрэглэдэг.
Жишээ нь: Тухайн сурагчийн долоо хоног бүрийн ахицыг тооцож тэмдэглэл хөтөлнө.
3. Үйл явцын рубрик: Сурагчдын гүйцэтгэсэн даалгаврын тайлбар, гүйцэтгэл, төлөвшил, хандлагыг
оноожуулахад хэрэглэнэ. Жишээ нь, манлайлал, багаар ажиллах чадвар гэх мэт.
Рубрик боловсруулах зөвлөмж:
 Эхлээд хүмүүсийн боловсруулсан рубрикийг анхааралтай судлах
 Босоо чиглэлийн баганы эхний мөрөнд сурлагын өндөр түвшнийг бичих бөгөөд дор хаяж 3
шалгуур байх.
 Нэгж хичээлийн рубрикийг зохиохдоо ээлжит хичээл бүрээр эзэмших чадваруудыг багтаасан
байх
 Рубрик нь сурагчдад нэгж хичээлийн хуваарь, сэдэв, болон суралцахуйн хүрээ болж өгөх учир
сургалт эхлэхийн өмнө тэдэнд танилцуулах
 Шалгуураа шинжлэх ухааны хувьд оновчтой, бүх суралцагчдын хүрэх боломжтой түвшин бүрд
тохирсон үгээр бичих
 Шалгуур жишиг даалгавартаа тохирч байгаа эсэхийг шалгах
 Өөрийн боловсруулсан рубрикийг сургалтад хэрэглэхээс өмнө сурагчид, багш нар, эцэг эхтэй
ярилцах
 Зарим тохиолдолд сурагчидтайгаа хамтран рубрикээ боловсруулснаар тэдний хөгжилд дэмжлэг
болно.
Рубрик үнэлгээний давуу тал:
 Рубрик ашиглан үнэлсэн тохиолдолд суралцагч үнэлгээнд сэтгэл дундуур байдаггүй.

21