Page 9 - Mat_baga -1217

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

НЭГ. ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ
АРГА ЗҮЙ

1.1 Суралцахуйн үр дүнг үнэлэх үнэлгээний шалгуурыг
боловсруулсан үндэслэл

Шалгуурт суурилсан үнэлгээ
Сургалтын хөтөлбөрт тусгасан мэдлэг, чадварт баримжаалан боловсруулсан суралцахуйн үр дүнг
тодорхой шалгуурт харьцуулж, сурагчийн сурлагын амжилтыг үнэлдэг. Өөрөөр хэлбэл, сурагчдын
эзэмшсэн мэдлэг, чадвар, аливаа гүйцэтгэлийг хооронд нь харьцуулан эрэмбэлэхгүйгээр тухайн
үнэлгээний нэгж, суралцахуйн үр дүнгийн хүрээнд танин мэдэхүйн түвшин, шалгуурт харьцуулан
үнэлэх процессыг шалгуурт суурилсан үнэлгээ гэдэг.

Үнэлгээний Суралцахуйн Үнэлгээний Гүйцэтгэлийн
нэгж үр дүн шалгуур түвшин

Үнэлгээний нэгж

Хөтөлбөрийн суралцахуйн зорилтуудыг агуулга буюу чадвараар багцлан, агуулгын залгамж холбоо,
сэдвийн тохирцыг харгалзан, сурагчийн эзэмших мэдлэг ойлголт, мэдлэгээ хэрэглэн математикийн
болон бодит амьдралын асуудал шийдвэрлэх чадварт үндэслэн, үнэлгээний нэгжийг тодорхойлно.
Мөн хөтөлбөр дэх зарим зорилтыг нэгжүүдэд тараан байршуулах, өөр бүлгийн нийтлэг суралцахуйн
зорилтуудыг нэгтгэн нэгжид шилжүүлэх, интеграцчилах боломжийг харгалзан улиралд 1-3, хичээлийн
жилд 4-8 үнэлгээний нэгж байхаар төлөвлөнө. Үнэлгээний нэгж нь нэг буюу хэд хэдэн суралцахуйн
үр дүнтэй байж болно.
Суралцахуйн үр дүн
Суралцахуйн үйлийг үр дүн талаас нь мэдлэг, чадвар, хандлага гэж ангилах бөгөөд ерөнхийд нь чадамж
буюу суралцахуйн үр дүн (Learning outcome) гэж томьёолдог.
Сурагчийн хүрэх суралцахуйн үр дүн нь тухайн хөтөлбөрөөр суралцаж дүүргэсний дараа сурагчийн
эзэмших мэдлэг, чадвар, үнэт зүйл, хандлагыг тодорхойлоход чиглэсэн байх ёстой.
Суралцахуйн үр дүнд тавигдах шаардлага, SMART (TT) 1
 Speak to the learner – Сурагч юу мэддэг, чаддаг байх ёстойг тусгасан байх
 Measurable – хэмжигдэхүйц, суралцахуйг хэрхэн үнэлэх тухай ажиглагдахуйц
 Applicable – тухайн түвшинд сурагч эзэмшиж чадахуйц, суралцахуйн зорилготой тохирсон байх,
эзэмшсэн мэдлэг, чадвараа хэрэглэх арга замыг тусгасан
 Realistic – Сурагч, хичээл, хөтөлбөр, боловсролын түвшинд СҮД-д тусгасан мэдлэг, чадварыг хэрхэн
эзэмшсэнээ харуулахуйц байх
 Time-bound or can be completed in the time given – төлөвлөсөн хугацаанд бүрэн эзэмшиж чадахуйц
байх
 Transparent – ил тод, сурагч шууд ойлгохуйц байх
 Transferable – хөрвөдөг байх, сурагч мэдлэг чадвараа олон төрлийн контекст дээр хэрэглэх
боломжтой байх

5