Page 19 - Эрүүл мэнд

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫГ ХЭРЭГЛЭХ ЗӨВЛӨМЖ

Гурав. Нотолгоонд
суурилсан шинжилгээ

хийх аргачлал

Тус нэгжийн хүрээнд нийт 29 асуулт бүхий сонгох даалгавар, 6
задгай даалгаврыг боловсруулсан. Эдгээрийг хэрхэн ашиглаж, дүн
шинжилгээ хийх талаар авч үзье.
Сонгох болон задгай даалгавар нь “Сэтгэцийн эрүүл мэнд”
агуулгын хүрээг бүхэлд нь хамарсан бөгөөд эдгээрийг явцын болон
үр дүнгийн үнэлгээнд ашиглахад тохиромжтой юм.
Дүрийн тоглолт нь “Харилцааны үгэн ба үгэн бус хэлбэр”-ийг
хэрхэн хослуулан оновчтой илэрхийлэх чадварыг үнэлэхэд
чиглэгдсэн бөгөөд үнэлгээг үе тэнгийн сурагч эсвэл тухайн
сурагч өөрөө хийх боломжтой. Эсвэл сурагчийн өөрийн болон
үе тэнгийнхний үнэлгээний аль алийг нь хийж, хооронд нь
харьцуулан дүн шинжилгээ хийж болно. Ингэснээр илүү бодит
үнэлгээ болно. Дүрийн тоглолтод сурагч өөрөө болон үе тэнгийн
сурагчийн өгсөн оноо, түүний үндэслэлийг асууж ярилцах
замаар тухайн сурагч юуг ханалттай сайн хийж байна, ямар
зүйлийг сайжруулах шаардлагатай гэдгээ мэдэж авна. Багш нийт
сурагчдын түвшинг нэгтгэн дүгнэж, харилцааны энэхүү чадварыг
сайн эзэмшихэд нь чиглэсэн нэмэлт дасгал ажил, даалгаврыг
төлөвлөнө.

Ангийн ихэнх суралцагч үгэн ба үгэн бус хэлбэрийг хослуулан
өөртөө итгэлтэй харилцах чадварыг тааруухан гүйцэтгэж байвал
тухайн чадварыг эзэмшүүлэх өөр үйл ажиллагааг төлөвлөн
хэрэгжүүлнэ. Үүнийг багш бусдад халамж анхаарал тавьж
байгаагаа үгээр болон үйлдлээр илэрхийлэх чадвартай хослуулж
болно. Бодит амьдрал дээр өсвөр насныханд сургууль, олон
нийтийн газар, найз нөхөд, үе тэнгийнхэн болон гэр бүлийн
хүрээнд тохиолдох харилцааны болон бусдад халамж анхаарал
тавих янз бүрийн нөхцөл өгч, тухайн сурагч 3-аас доошгүй өөр
хоорондоо эрс ялгаатай нөхцөлд хэрхэн өөртөө итгэлтэй харилцаж
байгааг үнэлэхэд чиглэгдсэн даалгавар боловсруулж ашиглавал
зохино. Ганцхан нөхцөлд хэрхэн хариу үйлдэл үзүүлэхийг
үнэлэх нь бодит үнэлгээ болж чадахгүй байх магадлалтай учраас
үүнийг анхаарах хэрэгтэй.

15