Page 19 - Монгол хэл

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУР

Энгийнээр хэлбэл, үнэлгээний шалгуур гэдэг нь сургалтын үр дүнд суралцагч бүрийн
эзэмшвэл зохих мэдлэг, чадвар, хандлага төлөвшил буюу хүрэх үр дүн юм.

Үнэлгээний шалгуур нь дараах ач холбогдолтой. Үүнд:
• Үнэлгээний шалгуур нь суралцагчийн сурлагын амжилтыг үнэлж, дүгнэх ижил хэмжүүрийг
тодорхой, ил тод болгох;
• Үнэлгээг зөв, бодитой хийх боломж бүрдэх;
• Тухайн суралцагчийн суралцахуйн давуу, сул тал, тулгамдаж буй бэрхшээлийн талаар
мэдээллийн сан үүсэх;
• Суралцахуйг дэмжих арга зүйг төлөвлөх, хэрэгжүүлэх замаар багшлахуйг сайжруулах
боломжийг бүрдүүлэх;
• Суралцагчийг ижил шалгуураар үнэлж, тэдний ахиц амжилт, өөрчлөлтийг хянах боломж
олгох;

Үнэлгээний шалгуур нь дараах шаардлагад⁴ нийцнэ. Үүнд:
• Үнэлгээний шалгуур нь давхцаагүй, нэг нэгнээсээ ялгаатай байх;
• Үнэлгээний шалгуур нь боловсролын түвшин, анги, судлагдахуун бүрээр залгамж
холбоотой, эрэмбэ ахисан байх;
• Үнэлгээний шалгуур нь ЕБС-ийн багш нар шууд авч ашиглах боломжтой байхаар
боловсруулагдсан байх;
• Оролцогч бүх талууд /суралцагч, багш, эцэг эх, асран хамгаалагч гэх мэт/-д ойлгогдохоор
товч тодорхой, оновчтой энгийн үг хэллэгээр бичигдсэн байх;
• Суралцагчдад юу хийхийг тодорхой ойлгуулахуйц үйл /түлхүүр үг/ үгсийг ашигласан
байх; Жишээ нь: эмхэтгэх, бий болгох, бүтээх, төлөвлөх, дахин боловсруулах, шинжлэх,
дизайн хийх, сонгох, ашиглах, хэрэглэх, үзүүлэх, бэлтгэх, ашиглах, тооцоолох, хэлэлцэх,
тайлбарлах, урьдчилан таамаглах, үнэлэх, харьцуулах, үнэлэх, шүүмжлэх зэрэг нь
тохиромжтой үйл үгс болно.
• Сурагчийн гүйцэтгэл нь ажиглагдахуйц, хэмжигдэхүйц байх ёстой учраас үр дүнгийн
тодорхойлолт тус бүрд сонгож авсан үгс нь ажиглагдаж, хэмжиж болох зан үйлийг бий
болгох үйл үг юм.

ХИЧЭЭЛ, СУРГАЛТЫН ҮР ДҮНГ ҮНЭЛЭХ ШАЛГУУРЫН БҮТЭЦ
Ерөнхий боловсролын сургуулийн түвшинд хичээл, сургалтын үр дүнг үнэлэх шалгуурыг
сургалтын хөтөлбөрийн хүрэх үр дүнд тулгуурлан дараах бүтэцтэйгээр боловсруулсан.

БОЛОВСРОЛЫН СУРГАЛТЫН
ТҮВШИН АНГИ СУДЛАГДАХУУН ХӨТӨЛБӨР

СУРАЛЦАХУЙН ЕРӨНХИЙ
ҮР ДҮН

СУРАЛЦАХУЙН
СУРАЛЦАХУЙН ҮНЭЛГЭЭНИЙ СУРАЛЦАХУЙН ҮР ДҮНГИЙН ГҮЙЦЭТГЭЛИЙН
ЗОРИЛТУУД НЭГЖ ҮР ДҮН ШАЛГУУР ТҮВШИН

4 Эх сурвалж: Боловсролын салбарын хөгжил-Боловсролын чанарт нөлөөлж буй сургуулийн хүчин зүйлс” судалгааны эцсийн
тайлан, 1.14 дэх бүлэг. Азийн хөгжлийн банкны техник туслалцааны төсөл, 2017 он.

17